Willkommen
im Plattdeutschen Theater
der
Osterfehntjer Spölkoppel!
Moin, leeve Lü
Dit Jahr frein wi uns heel düchtig up uns
25-jahrige Jubiläum.
25 Jahre Osterfehntjer Spölkoppel
Sonntag wurden wir anlässlich unseres Jubiläums von den Nachbarn am Leda Jümme Weg mit einem wunderschönen Bogen am Gulfhaus überrascht. Vielen lieben Dank dafür.
Ab dem 21. 10. bis zum 04.11. spielen wir unser Jubiläums Theaterstück „De Sauna Gigolo van Osterfehn „ Rest- und Logenkarten im Reisebüro Esders unter 04952/4102 oder unter 04952/827626 . Wir freuen uns auf Euch ❤️
Liebe Grüße Andree
Dat wassen moije Jahren mit völ Spektakel un Pläseer um uns Tokiekers blied to maken. An disse Stee bedanken wi uns bi uns Tokiekers, de uns elke Jahr mit hör Besöök stöhnt hemt.
Nu is dat bald sowiet, in Osterfehn is weer Theatertied
Osterfehn hett noch´n groot Fest vör sük un dat is, dat weet doch elk un en, uns alljahrelke Straatenfest! As Uptakt gifft dat nu all siet fiefuntwintig Jahr „Plattdütsk Theater“!
Dit Jahr spölen wi dat Theaterstück,
„De Sauna Gigolo van Osterfehn!“
En Kumödie in dree Törns van Andreas Wenning, översett´van H. Buerhopp,
Wat hemt wi in de letzten Jahren vör moije Kulissen hat: En Schloß, en Krankenhus, en Schrevergarden, en Gaststee, en Rathus un so wieder un so wieder….. Un alles hett sük immer in Osterfehn offspölt. Dat Krankenhus stunn achtern in´t Jammertal und hett dorüm „Jammertalklinik“ heeten. Aver en Sauna as Kulisse, dat hemt wi noch nich hat. Aver kien bang, uns Spölkoppel mutt nich nakend Theater spölen……….
En heel vergnöögte Theaterstück wacht weer up jo!
Ik will jo nu nögen, in´d Naam van de Osterfehntjer Spölkoppel, komt all mitnanner in´t Gulfhus an´d Leda Jümme Weg in Osterfehn.
Wi dönt alles dorvör, dat ji en wunnebaren Theateravend beleven.
Brengt ok geern jo Kinner mit. All Kinner kriegen umsünst wat to drinken.
Wi frein uns heel düchtig, wenn ji dit Jahr weer mit uns völ Pläseer hemt un wenn ji seggen:
„Dat was vör mi de moiste Avend in´t heele Week!“
Bit dorhen,
Munter holl´n
Andree Winkler, Spölbaas
Worum geht es in dem neuen Theaterstück?
De Sauna Gigolo van Osterfehn
Hebb ji all wüst, dat in Osterfehn en neije „Wellnestempel“ open maakt worden is? Tja, Osterfehn hett eben alles!
Therese (Elvira Tinnemeyer), Lisbeth (Tomke Lübbers) und Ursel (Heike Wienberg), verbrengen an leevsten hör Freetied in de Froolü Sauna van disse „Wellnesstempel“. Hör maakt dat gewaltig völ Spaß, in disse Tied över de neeisten Prootereen um Osterfehntjer Lü offtolästern, worbi se sük sülvst ok nich schonen. Saunameisterin Rita Roskam (Simke Winkler) gahnt de dree „Giftspritzen“ gwaltig up de Nerven. Un nich blot de, sünnern, ok Sandro Kern (Volker Oltmanns) de neije Masseur, de mit sien Muskelspöleree un sien moije Gedoe, hör de Massage an de Froolü, offspenstig maaken deit.
As de dree Saunafründinnen, de „Sauna Gigolo“ Sandro, to´t erste Mal sehnt, gifft dat, um sien Gunst to winnen, Krieg twüschen dat Trio. Se maaken ok kien Halt vör „Schwemmflögel Sabotage“ oder „Sünnenbank Manipulation“. Erst recht, as se de Massage van Ursel tolüstern, denken se, achter de Vörhang find en heete „Leevesakt“ statt. Rita hett sowieso de Verdacht, dat Sandro gar kien richtige Masseur is. Se vertellt de Manlü van de Saunafründinnen, Kasimir, Wolfgang un Gerhard,( Alfred Kramer, Heinz Bohlen und Andre Helmers), de immer later nau hör Froolü in de Manlü Sauna gahn, wat hör Froolü hier so drieven. Vör den Manlü is klar, dat se dat Spill, gau to End brengen mutten. Se verkleeden sük as Froolü, um de „Sauna Gigolo“ in de Froolü Sauna en Fall´to stellen… Mit disse Situation komen nich blot, de van Theresa bestellte Kosmetiker Jerome (Andree Winkler), de Saunafründ van de Manlü, Doktor Justus Möbius (Frank Schmidt) un de Saunachefin Roswith Kuhlmann (Helga Pieper) torecht un se beleven all mitnanner en Dörnanner sünnerglieken…
Wenn ji weeten willn, wo dat Dörnanner utgeiht, denn koopt gau Intreekarten in´t Reisebüro Esders un kiekt jo dat Spektakel an.
Völ Pläseer
Andree Winkler, Spölbaas
Well spölt disse Jahr mit:
Therese Thoben, Saunafründin word spölt van Elvira Tinnemeyer
Lisbeth Memmen, Saunafründin word spölt van Tomke Dänekas
Ursel Haskamp, Saunafründin word spölt van Heike Wienberg
Rita Roskam, Saunaangestellte word spölt van Simke Winkler
Roswitha Kuhlmann, Saunachefin word spölt van Helga Pieper
Kasimir Thoben, Mann van Therese word spölt van Alfred Kramer
Gerhard Memmen, Mann van Lisbeth word spölt van Andre´Helmers
Wolfgang Haskamp, Mann van Ursel word spölt van Heinz Bohlen
Dr. Justus Möbius word spölt van Frank Schmidt
Sandro Kern, Masseur word spölt van Volker Oltmanns
Jerome Quast, Kosmetiker word spölt van Andree Winkler
Topusterske Christel Cramer
Spölbaas Andree Winkler
Gruppenfoto Osterfehntjer Spölkoppel
