Nu is dat bald sowiet, in Osterfehn is weer Theatertied

Osterfehn hett weer´n groot Fest vör sük un dat is, dat weet doch elk un en, uns alljahrelke Straatenfest! As Uptakt gifft dat nett as elke Jahr

 „Plattdütsk Theater“!

Dit Jahr spölen wi dat Theaterstück,

        „Bongo Bongo-

            Besöök van Kongo!“

En Kumödie in dree Törns van Erich Koch, översett´van Marlies Diekhoff,

Wo heet dat ok noch immer:

„De all Potten utslicken will, kriggt toletzt Splitters in Tung!“

In uns neije Theaterstück geiht dat um Leegen und Bedreegen,

Kurt Wittmann is en echte Schlitzohr und sien Geweeten is nich rein, denn wo seegt man ok noch, „Der Krug geht solange zum Brunnen bis er bricht“….

 …En heel vergnöögte Theaterstück wacht weer up jo!

Ik will jo nu nögen, in´d Naam van de Osterfehntjer Spölkoppel, komt all mitnanner in´t Gulfhus an´d Leda Jümme Weg in Osterfehn.

Wi dönt alles dorvör, dat ji en wunnebaren Theateravend beleven.

Brengt ok geern jo Kinner mit. All Kinner kriegen umsünst wat to drinken.

Wi frein uns heel düchtig, wenn ji dit Jahr weer mit uns völ Pläseer hemt un wenn ji seggen:

„Dat was vör mi de moiste Avend in´t heele Week!“

Bit dorhen,

Munter holl´n

Andree Winkler, Spölbaas

Well spölt disse Jahr mit:

Kurt Wittman word spölt van Andree Winkler,

Ulla Wittmann word spölt van Gudrun Lange,

Gaby, Dochter van Kurt un Ulla word spölt van Lina Schmidt,

Biggi, Dochter van Kurt un Ulla word spölt van Tomke Lübbers,

Uwe, Fründ van Gaby word spölt van Volker Oltmanns,

Dieter, Fründ van Gaby un Biggy word spölt van Andre Helmers,

Tante Laura ut Afrika word spölt van Elvira Tinnemeyer,

Idi Kongolus, genannt Kongo word spölt van Frank Schmidt,

Trine Unruh, Postbüdel word spölt van Heike Wienberg

Topusters       Christel Cramer,

                        Simke Winkler,

                        Sontje Janssen,

                        Alfred Kramer,

 Spölbaas        Andree Winkler